AAYYOO HARMEE DEESSEE
ati nama an dursee maqaa ishee baradhe nama hunda dura si beeka, gammachuun kiyya siif gammachuudha gaddi kiyyas siif gadda Dhiiga keetiif foon keetiin guddadhe. OOLMAA kee kafaluu hin danda'u Yoo rifadhe dafee HAADHA TOO (AAYYAA tiyyaa) jedha. Ati hamma an uf jaaladhu caala na JAALATTA HAADHA TIYYA JAALATAMTUU wanti fedhe haa badu atummaan naaf jiraadhu.Situ kafana kooti
Siinan lalisee latee
Dhiphuu kiyya hundumaa
Dhiphuu kiyya hundumaa
Situ narraa hirmaatee.
Ati anaaf ifa kooti
Ati anaaf ifa kooti
akeektuu daandii kiyyaa.
Bakka hundaa naaf buutee
Bakka hundaa naaf buutee
haadha, fira, hiriyaa
Imimmaan naaf cobsita
Imimmaan naaf cobsita
yoo hiixachuu dadhabduu
Kanatu lafee koo cabsee
Kanatu lafee koo cabsee
natti baase dirmammuu.
Aarsaa ati naaf kafalteen
Aarsaa ati naaf kafalteen
Ijji koo naaf banamee
Gorsaaf dhamaatii Keenan
Gorsaaf dhamaatii Keenan
nama har'aa jedhame.
Soora ofii beeloftee
Soora ofii beeloftee
naaf laatteenan jabaadhee
Lafa ati itti boossen
Lafa ati itti boossen
Ani boonee dhaabadhee.
Dungoo ati naaf ibsitetu
Dungoo ati naaf ibsitetu
har'as naaf ifaa jiraa
Daandii ati naaf baafterran
Daandii ati naaf baafterran
kunoo imalaa jiraa.
Lafa lafeen kee cabettan
Lafa lafeen kee cabettan
Lafaa ka'ee dhaabadhee
Akkan jedhu na goote,
Akkan jedhu na goote,
"bagan sirraa dhaladhee!"
Harmee koo garalaafettii
Harmee koo garalaafettii
Bagan sirraa dhaladhee.
Lafa ati gufattettan
Lafa ati gufattettan
an olka'ee dhaabadhee
Gufuu dura koo soqxee,
Gufuu dura koo soqxee,
dirree goote, buqqiftee
Ofii daartee beelofteet
Ofii daartee beelofteet
Boonsitee na guddiftee
Hiriyaan na qixxeessuuf
Hiriyaan na qixxeessuuf
Hidhii kee anaaf xuuxxaa
Dhabdu liqaatti fiigdee
Dhabdu liqaatti fiigdee
Fedhii koo anaaf guuttaa
Ijji kee na sassata
Ijji kee na sassata
eenyuttuu nan amantuu
Har'allee na sossobda
Har'allee na sossobda
akka mucaa dhalattuu
Anis ilmi kee kunoo
Anis ilmi kee kunoo
dhamaatii kee hin gannee
Oolmaa fi dadhabbii kee
Oolmaa fi dadhabbii kee
Tasa hin irraanfannee
Galaa ati naaf hiite sana
Galaa ati naaf hiite sana
harka kootti qabadhee
Kunootti fiigaan jira
Kunootti fiigaan jira
mudhii koo jabeeffadhee
Lafa ati naaf yaadde sana
Lafa ati naaf yaadde sana
gahuuf jedheen wixxisaa
Harmee Galata kee
eessatti argee siif deebisaa?
Gatii kee dachaa baaseen
Gatii kee dachaa baaseen
kankee Ibsa Galataa
Halkaniifii guyyaa
Halkaniifii guyyaa
siif an kadha jaannata.
sin jaaladhaa Harmee koo
Sin jibbu gonkumaa
Turi naaf jiraadhu
Waggaa Kuma Kumaa!
#share
sin jaaladhaa Harmee koo
Sin jibbu gonkumaa
Turi naaf jiraadhu
Waggaa Kuma Kumaa!
#share